Македонската фирма СИ ПО од Охрид најавува дека ќе гради Дистрибутивен центар во Русија. Инвестицијата ќе се реализира во Самарската област, која е една од посилните економски зони во Руската федерација. До нашата фабрика СИ ПО купивме околу 20 000 метри квадратни земјиште кое е во непосредна близина на аеродром и автопат и на средина од двата најголеми града во областа, Самара и Тољати. Идеја е ние со проектот да формираме голем Дистрибутивно-административно-деловен центар за македонски производи, кои оттука руските партнери би ги купувале и пласирале на тамошниот голем пазар-вели Богоја Блажески, сопственик на фирмата СИ ПО. Сега се водат преговори со повеќе македонски производители од областа на прехраната, кондиторските производи, виното, текстилот. Од нивната агилност ќе зависел и стартот на проектот, но според најавите до средината на идната година контурите на центарот би биле видливи. Дека се работи за сериозен проект потврда е поддршката која стигна од Стопанската комора на Македонија и Македонско-руската стопанска комора.
Македонската фирма СИ ПО од Охрид најавува дека ќе гради Дистрибутивен центар во Русија.
Инвестицијата ќе се реализира во Самарската област, која е една од посилните економски зони во Руската федерација.
- До нашата фабрика СИ ПО купивме околу 20 000 метри квадратни земјиште кое е во непосредна близина на аеродром и автопат и на средина од двата најголеми града во областа, Самара и Тољати. Идеја е ние со проектот да формираме голем Дистрибутивно-административно-деловен центар за македонски производи, кои оттука руските партнери би ги купувале и пласирале на тамошниот голем пазар-вели Богоја Блажески, сопственик на фирмата СИ ПО.
Сега се водат преговори со повеќе македонски производители од областа на прехраната, кондиторските производи, виното, текстилот... Од нивната агилност ќе зависел и стартот на проектот, но според најавите до средината на идната година контурите на центарот би биле видливи.
- Дека се работи за сериозен проект потврда е поддршката која стигна од Стопанската комора на Македонија и Македонско-руската стопанска комора. Ова би требало да биде пилот-проект кој би покажал дека освојувањето на рускиот пазар може да се прави на повеќе нивоа. Едно на меѓудржавно договарање на големи ресурси, а друго со присуство на македонски фирми, кое мора да биде заедничко бидејќи не се моќни сами да ја издржат конкуренцијата на тамошниот пазар-смета Весна Блажеска ПР-менаџер во СИ ПО.
Инаку фирмата СИ ПО од Охрид со години е присутна во Русија. Фабриката за сигурносни појаси на семејството Блажески во Русија прави годишен обрт преку два и пол милиони евра. Инвестицијата за Дистрибутивниот центар нема да биде поголема од два милиони евра, а годишната заработка би се броела во десетици милиони евра.